"الفجر" تلتقي شقيق "أمجد أديب" فقيد السويس في الطائرة المنكوبة (فيديو)

التقت "الفجر" مساء الجمعة، أيمن أديب شقيق فقيد السويس رجل الأعمال "أمجد أديب عياد فرج" من ضحايا الطائرة المصرية المنكوبة بمنزل الأسرة في منطقة الغريب بحي السويس.


وقال أيمن أديب: "تلقيت الخبر كنت فى الشغل واحد صديق ليا اتصل بيا وقالى أمجد تعبان شوية وتعالا بسرعه قولتله أمجد مسافر فرنسا قالى تعالا بسرعه وصلت منزل أمجد صدمنى الخبر قالى أمجد فى الطائرة اللى وقعت، طبعا مش مصديقين رحنا المطار علشان نتأكد وفعلا كان أسمة من ضمن ركاب الطائرة وكانت صدمة عمرنا وفى المطار أخدوا أرقام التلفونات الخاصة بينا وهيبلغونا لو فيه أى جديد".


وتابع: "كان أخر اتصال بينى وبين أمجد كان من أسبوع قبل ما يسافر فرنسا قعدنا نتكلم شوية أخبارك وأخبار أولادك وقعد يطمن على واحد واحد وطبعا أمجد ماكنش أخ بالعكس كان أبويا وأخويا وأبنى وأحن أخ فى الدنيا وكل الناس بتحبه ومش مصدق لحد اليوم انى مش هشوفه تانى وربنا يصبرنا ويصبر والدته وزوجته وبناته وربنا يرحمه".


وأضافت: "سوف يتم إقامة قداس لـ "أمجد أديب" بكنيسة الانبا انطونيوس بحى السويس يوم الاحد صباحًا فى حال عدم وجود جثمان سيكون الصلاة علية بحكم الغائب والعزاء بقاعة الكنيسة مساء اليوم الأحد المقبل".