هكذا ساند صبري فواز محمد رمضان ودافع عنه بعدما هاجمه الجميع

أعرب الفنان صبرى فواز، عن أستيائه الشديد من مما يدعون أنهم جمهور الفنان محمد رمضان ويقومون باهانته على مواقع التواصل الاجتماعى مؤكدا ان جمهوره ليس على "الفيسبوك".

وكتب فواز، على صفحته الشخصية عبر موقع التواصل الاجتماعى "فيسبوك":" جمهور رمضان مش هنا.. مش ع النت خالص.. اللي هنا دول كلهم من اللي مابيحبوش رمضان وشايفين إنه يايّاه.. وساعات بيحملوه كل مشاكل التعليم الأمن والثقافة وده معناه إن ولا واحد من اللي بينتقدوا رمضان دلوقت، دفع له جنيه أصلًا اللى بيدفعوا له هناك (على شباك التذاكر).. مش هنا...... ومايعرفوش يعنى أيه لامبورجيني أساسًا".


وتابع حديثه:" ومش فارق معاهم كل الهري ده..اللي هنا ومتابع الهرى ده حضراتكم.. اللي دايمًا بتمدحوا فى الفن"المش محمد رمضاني" وبتكسلوا توصلوا لحد "شباك التذاكر" للنجوم اللى بيحبوهم.. وهاتروحوا ليه.. كلها أسبوع واللا حاجة والفيلم هايتهاك وتتفرجوا عليه هنا.. وتمدحوا في اللي بتحبوهم".

وأنهى حديثه:" وتشتموا رمضان.. اللى ماعندهوش ناس تدافع عنه هنا..لكن عنده ناس بتدافع عنه هناك فى شباك التذاكر".