محمد عطية يهاجم جمهور الزمالك

الفجر الفني

محمد عطية
محمد عطية


هاجم المطرب محمد عطية، جمهور نادي الزمالك، وذلك عبر صفحته الشخصية بموقع "فيسبوك".

وأعرب عطية عن غضبه من السخرية التي يتلقاها جمهور الأهلي من نظيره الأبيض بعد الخروج من المنافسة على لقب دوري أبطال إفريقيا.

وقال: "أنا ماكنتش عاوز أتكلم .. بس لاحظت إن كل الزمالكاوية اللي عندي علي التايم لاين مركزين مع الأهلي حتي و هما كسبانين .. معلش أنا مقدر شعورك كزملكاوي و إنت الإنجاز بالنسبالك الصعود لنصف النهائي وعارف إنك محدث فوز وده شعور جديد بالنسبالك .. و شايف كمان إفيهاتك اللطيفة اللي من عينة الأهلي قادم .. علي أساسا إنك كرييتف وكده .. فاهم كمان إنك بتحاول تقنع نفسك إنك منافس للأهلي و كده".

وتابع: "عاوز أشرحلك بس كلمة منافس دي .. منافس يعني لو أنا في سباق معاك أخاف أقع خطوة واحدة أو نص خطوة فتحصلني أو تسبقني .. الأهلي يا حبيبي لو الصبح كده قفل النادي و بطل كورة ١٥ سنة و إنت كسبت كل حاجة .. برضة مش هتحصل بطولاته و لا هتبقي قده .. فيا ريت تركز شوية مع الإسماعيلي .. الإتحاد ... المصري ... دول المنافسين بتوعك يا حبيبي ".