ميدو يفضح نجوم الزمالك و"المتمارض": العيال بيتنمردوا (صور)
فتح أحمد حسام ميدو مدرب نادي الزمالك الأسبق النار على لاعبي الفريق عقب الخسارة بثلاثية نظيفة أمام صن داونز الجنوب أفريقي في ذهاب نهائي دوري أبطال أفريقيا.
وعلق ميدو عبر تغريدة له عبر موقع التغريدات الصغيرة "تويتر": "صباح الخير.. الشناوى إصابته إيه؟؟ بتمنى تكون إصابة كبيرة!! مزق أقل شىء لأن لو أى حاجة أقل من المزق هزعل منه جدًا وأنا بحبه!!".
وأضاف ميدو: "الزمالك بيدفع تمن الدلع والطبطبة على اللاعبين اللى مش عايزة تجدد له.. العيال اللى الزمالك عملهم بنى آدمين دلوقتى بيتنمردوا عليه!!".
وتابع: "أخيراً التاريخ بيقول اللى بييجى على الزمالك مابيكسبش طول حياته.. وهفكركم، والكلام ده مش كلام ميدو المدرب ولا ميدو المحلل ده كلام ميدو مشجع الدرجة اثالثة القديمة اللى كانت فى وش المقصورة تحت بِسْم الله الرحمن الرحيم".
