عزمي مجاهد مهاجما رئيس الوزراء: "لا بيشوف ولا بيسمع ولا بيتكلم"

هاجم الإعلاميان سعيد حساسين وعزمي مجاهد، الحكومة بسبب قرار رفع أسعار البنزين والسولار، بدءًا من اليوم الجمعة.

وقال حساسين، في برنامجه برنامج "انفراد"، عبر فضائية "العاصمة"، "فيه وزرا عاوزين يولعوا البلد، مفيش فايدة، المفروض قبلها بأسبوع يقولوا الأسعار، والمشكلة أن رئيس الحكومة فاهم أن الوزرا دول أحسن ناس".

ورد عزمي مجاهد، خلال مداخلته بالبرنامج: "يطلع وزير البترول يتكلم ليه مش بيتكلم، طيب حد يطلع ينفي ولا يأكد، مفيش فايدة، في وزرا اتبلينا بيهم".

وتابع مجاهد: "هل في دولة كده، يقولوا مفيش تعويم وبعدين يعوموا قبل ما يفوت أسبوع، هاتوا الرجل المناسب في المكان المناسب، ورئيس الوزرا لا بيسمع لا بيشوف لا بيتكلم".