سعيد حساسين عن سوء الخدمات الصحية: "الغلبان في البلد بقى بياخد بالجزمة"
استنكر سعيد حساسين، عضو مجلس النواب، الخدمات الصحية في المستشفيات، بسبب واقعة وفاة طالب أثناء علاجه من كسر في قدمه، قائلًا: "ده حاجة بقت تقرف إمال لو عنده مرض في المخ أو القلب كنتوا عملتوا فيه إيه".
وأضاف "حساسين"، خلال برنامجه "انفراد"، عبر فضائية "العاصمة"، "بيزعلوا لما الناس تهاجر بطريقة غير شرعية، بس أهو، الواقع بيقول إن الغلبان والفقير في البلد بيأخذ بالجزمة، ولو مش عاجبة الجزمة بيأخذ جزمتين".
وناشد عضو مجلس النواب، المسؤولين بمراعاة ضمائرهم من أجل تقدم البلد وتقديم خدمات جيدة للمواطنين، قائلًا: "عاملوا الناس بما يرضي ربنا، عامل الغلبان زي ما بتعامل الباشا عشان البلد تطلع قدام".
