مواطنون عن تظاهرات 11/11: البلد مش ناقصة خراب (تقرير)

فى البداية، يقول مصيلحي مسعد، صاحب محل أحذية بمنطقة العتبة، إن دعوات التظاهر 11/11 "هتضرب البلد فى مقتل" ، مؤكدا أنه يستنكر تلك الدعوات للتظاهر لما يتخللها من دمار شامل للبلاد، مضيفا: "أنا عن نفسى هقفل محلي الجمعة الجاية، أنا مش ناقص خراب للقمة عيشي، وأنا متأكد من أن الشرطة هتتعامل مع المظاهرات دى بحسم وصرامة  لو الناس نزلت " ...

ويضيف محمد علوي، سائق ميكروباص أن المظاهرات ليست الحللتحسين أوضاع البلاد، مضيفا: "البلد دي لو قامت ثورة تالتة هنضيع كلنا، الناس اللي عايزة تتظاهر تروح تقابل الريس وتتكلم معاه هو هيسمعهم أكيد، بدل ما يوقفوا حال البلد مش ناقصة خراب "..

وتشير علوية فؤاد، ربة منزل،  والتي رأت أن دعوات  التظاهرات  "مش فى صالح البلد" ، خاصة أن الوضع الاقتصادي  الحالي  متردي، مضيفة: "البلد لوحدها واقعة مش ناقصة مظاهرات تجيبها الأرض.. دول عايزين يخربوها ويقعدوا على تلها"، مطالبة قوات الأمن بالتعامل مع تلك الدعوات المخربة والتصدي لها بكل الوسائل ..

تابع حسن عطية، أحد الباعة الجائلين بباب الشعرية: "احنا أكتر ناس  بنتبهدل لو قامت مظاهرات، مشيرًا إلى أن البلد حالها أصبح كرب منذ 5 سنوات بعد ثورة 25 يناير، مضيفا أنه كان يعمل موظف بإحدى شركات السياحة، والتي أفلست بعد ضرب قطاع السياحة، مضيفًا: "الباعة الجائلين مباقوش لاقيبن ياكلوا ارحمونا بقى من المظاهرات " ..