رد قاسي من خالد تاج الدين على الساخرين من صورة تامر حسني
دافع الشاعر خالد تاج الدين، عن الفنان تامر حسني، بعدما سخر بعض رواد مواقع التواصل الاجتماعي من صورة منتشرة لتامر، وهو في فترة مراهقته.
وأكد تاج الدين، على إعجابه بكفاح تامر، وإصراره للوصول إلي العالمية.
وعلق تاج الدين، عبر حسابه على "الفيسبوك"، قائلا: "صورك القديمة مش عيب ولا ماضي وراح.. ده تعب وشقا عمر ورحلة كفاح.. العيب في النفوس المريضة واللي عيارها فلت.. وزمان أو حتى دلوقتي.. لسه أشكالهم غلط".
وكان عدد من رواد مواقع التواصل الاجتماعي، قد نشر صورة قديمة للفنان تامر حسني، ساخرين منه إلا أن الفنان قام بالرد عليهم عبر حسابه على "الفيسبوك".
وكتب تامر: "لمن يهمه الأمر .. من يومين نزلت صوره ليا وانا صغير وشغلت ناس كتير وفضلوا يتريقوا على الصوره في الحقيقه اني فالوقت ده فعلاً كنت بحاول اقلد المشاهير في صورهم وافلامهم وحراكاتهم وبغض النظر عن ان فالوقت ده كانت الموضات شبه كده وانا بقول شبه كده لأني كنت ولد صغير معندوش فلوس نهائي يشتري لنفسه حاجه غاليه ولا عنده اب يشتريله حاجه اصلاً اللي عايز اقوله اني من يوم الصوره دي وانا حالف اني اتصورها بجد وانا مشهور".
وتابع تامر: "الصورة دي بتثبت لأي شاب إيجابي ان مفيش مستحيل واللي عايز يتريق على الولد اللي فالصوره هقوله يارب تنجح زيه انا فخور بالصوره دي وانهارده بقول للولد الصغير ده انت راجل عشان حلمت بحلم وحققته وبدأت من تحت الصفر ووصلت لحلمك بمجهودك وعرقك وكمان اشتغلت شغلانات كتير فيها شقى وتعب عشان تصرف على اهلك من وانت فالسن ده شكراً يا ولد يا صغير اصرارك عمل مني راجل انسان فنان اسمه تامرحسني".
