عالم تربية الحيوانات الأليفة.. ضحايا من نوع آخر لـ"غول" ارتفاع الأسعار (تقرير)
بطبيعة الحال طغت حالة ارتفاع الأسعار التي طالت كافة المنتجات على أسعار الحيوانات ومأكولاتها والمستلزمات الخاصة بها، وهو ما أثر على مربي الحيوانات في الفترة الأخيرة، خاصة بعد أن أصبحت ميزانيات بعض المنازل الانفاق عليهم نظرًا لقرارات الاقتصادية الأخيرة.
"الفجر" أجرت حوارًا مصغرًا مع مربي القطط، تبين من خلاله فروق الأسعار بين مستلزمات القطط، وعن نواياهم في الاستغناء عن القطط من عدمه بعد إرتفاع الأسعار، وكذلك تعليقاتهم على قرارات الحكومة بشأن إعتبار مستلزمات الحيوانات سلع استفزازية يمنع استيرادها.
وفيما يلي قائمة بفروق الأسعار بعد قرارات الحكومة:
- طعام "دراى فود" سعره كان 90 جنيه وصل إلى 115 جنيه.
- الرمال سعره كان بـ35 جنيه ثم وصل إلى 70 جنيه.
- التطعيمات وصلت إلى 90 جنيه ويندر وجودها في بعض الأوقات.
"مش ممكن نستغنى عنهم"
ومن جانبها قالت كريستين سامي، إحدى مربيات القطط، إن أسعار مستلزمات ومأكولات القطط أصبحت بالفعل مرتفعة بطريقة مستفزة مقارنة بأخر 5 سنوات ماضية مشيرة إلى أن لن تستطع الاستغناء عنهم تحت أي ظروف، قائلة: "الأسعار فعلاً بقت غالية بطريقة مستفزة حتى الأكل غلي جدًا.. علبة الجبنة النستو بقت بـ 5 جنيه ونزلت إمبارح أجيب 3 كيلو دراى اللى هو أصلا كان الكيلو منه بـ 35 وصل سعره دلوقتي 40 و50 جنيه.. والرمل أنا مستغنية عنه تمامًا.. بس فعلا القطط حيوانات جميلة جدا وإني استغنى عنهم في يوم دي فكرة استحالة أنفذها".
واضافت كريستين لـ"الفجر"، أن الحكومة قامت برفع كافة الأسعار، وكان من الطبيعي أن تزيد الأسعار لعدم وجود رقابة على الأسواق، قائلة: "نعمل ايه لازم نستحمل ما هو طول ما مافيش رقابة في البلد دى كل حاجة هتغلى وكل واحد هيبيع بالسعر اللى هو عايزه".
أولوية ارتفاع الأسعار لسلع استفزازية أخرى
ووجهت مربية القطط سهيل رحيم، رسالة للحكومة بعد إرتفاع الأسعار قائلة: الرمل الكريستال كان بـ50 بقى بـ61 جنيه.. حسبنا الله ونعم الوكيل.. لأن في حاجات تاني مش مهمة ومضرة للإنسان ممكن يزودوها مرة واتنين وتلاتة زي السجاير والشيشة والحاجات اللي الناس بتضر بيها نفسها وبتضر بيها الناس اللي حواليها".
وهو ما أيده خالد قائلًا: "فيه سلع كتير ممكن يتم منعها زي السجاير والخمور وأنواع كتير من الحلويات المستورده.. جايين بس على الكائنات المسكينة.. وكأن الناس اللي بتربي مرفهين الموضوع مش رفاهية خالص و فيه ناس بتشارك أكلها مع حيوانات".
فيما أوضحت إحدى المربيات أن الإنفاق على الحيوان يختلف باختلاف تربيته وما تعود عليه في مأكولاته قائلة: "والله أنا شايفة إن الحيوان اللى انت مربياه ممكن تصرفي عليه في الشهر ٥٠٠ أو تصرفي ١٠٠ أو أقل.. ده بيتوقف على تعويده من الاول على اكل البيت وتدريبه إنه يستخدم الحمام أو تستبدلي الليتر ببدايل مصنعة محليًا".
إنتاج المستلزمات محليًا
ومن ناحية أخرى أكد الطبيب البيطري، عبدالمجيد محمد سعيد، أنه يمكن توفير مستلزمات القطط محليًا بدلا من الاعتماد على استيرادها، قائلا: "انا كدكتور بيطرى أقدر أقول إن كل احتياجات الحيوانات ممكن انتاجها محليا هو كان بس استيرادها بيخدم ناس معينة".
