حكاية طريفة.. مقالب الأزواج

وكنت حاسه انى خلاص روحى هاتطلع من كتر الضحك ويارب يوصلكم المقلب زى ماانا عشته تماام

انا عملت فى مقلب بس هو ماسكتش ردهولى تاانى يوم

تعالى ااقولك حصل ايه

كان لسه شاحن موبايله بــ 25 جنيه فاستغليت الفرصه واخدت موبايله وغيرت اسمى باسم الشركه ((( موبينيل )))

واخدت موبايلى وبعتله رساله بتقول (( لقد تم سداد 25 جنيه لاشتراكك فى خدمة وانا رايحه ادلع املى القلل )))

هو قرا الرساله من هنا واتنطتت من هنا وقعد يقول ايه املى القلل دى وفضل يهرى وينكت فى نفسه

واتصل بخدمة العملاء وقالهم ايه هى خدمة ادلع املى القلل دى

البنت اللى بترد على التليفونات فى الخدمه ردت عليه وفكرته بيعاكس وقفلت فى وشه

وانا كل ده فطسانه من الضحك عليه ومش قادره اوصفلكم منظره هههههههههههههههههه

بس كشفنى ازاى؟؟ قولتيلى ازاى

نزل الشارع يجيب عشا فاتصلت بيه ع موبايله وظهر له اسم الشركه ولقى صوتى انا وعرف ساعتها انه مقلب

قالى بقى بتعملى فيه انا مقلب ماشى هاردهولك

وردهولى وياريته ماردهولى

تانى يوم المقلب بتاعه كنا قاعدين وفجاءه قالى انا نازل اشترى حاجات

قولتله ماشى انا دخلت المطبخ وهو نزل ندهت عليه قبل مايقفل الباب بس ماسمعنيش

المهم بصيت عليه لقيت المفتاح مش موجود والشوز بتاعه وقولت خلاص نزل

ورحت قعدت قدام التلفزيون ونور الشقه كله مطفى مفيش غير لمبه سهارى ونور التلفزيون بس

وانا قاعده لوحدى لقيت حاجه سودا بتجرى نحيت رجلى فضلت اصوت صويت عالى

وببص نحيت الباب لقيت حد بيطلع مره واحده والنور مطفى والصويت بتاعى زاد

اتاريه هو مانزلش وكان مستخبى ورا سور الارج

ملحوظه الحاجه السودا دى كانت بتنجنايه كبيرة وانا فضلت اعيط وهو مات على نفسه من الضحك