مرتضى منصور لـ "الصقر": " اللي في دماغي عملته وزهقت عايز أمشي"! (فيديو)

وجه مرتضي منصور رسالة نارية لـ أحمد حسن نجم الاهلي والزمالك ومنتخب مصر السابق خلال مداخلة هاتفية مع الاعلامي أحمد بلال عبر برنامج "اللعبة الحلوة" علي فضائية " LTC".

وقال "مرتضي منصور" موجهًا حديثه لـ أحمد حسن: " اللي في دماغي يا احمد أنا عملته ورجعت بطولات الزمالك الغائبة منذ سنوات وعملت منشأة اجتماعية رياضية مش موجودة في أوروبا واتحدي اي رئيس نادي في مصر يعمل اللي عملته".

واضاف: " اللي عايز يمشيني أنا زهقت وعايز أمشي وقرفت من هذا الاعلامي الفاسد اللي بياخد اكذوبة من "عيل" وكنت نايم يوم الجمعة صحيت لقيت مصر مقلوبة أنه تمت إقالة محمد حلمي، افرض الزمالك كان هزم من الأوليمبي كنت أنا اللي هشيل الشيلة".

وواصل: " فضائية دي إم سي جايبة واحد رافع قضية علي رئيس الزمالك يحلل المباريات ما هو لازم ينتقد أداء الفريق، لأ مفيش إعلامي أو فضائية هتدخل الزمالك إذا لم تحترم النادي".

واتم: "الاعلامي اللي مش هيحترمني مش هحترمه واللي يتطاول علينا مالوش لازمة عندنا حتي لو مين في الدولة واقف وراه، دي إم سي ودي إم زفت، والنيل للرياضة زفت".