عمرو سلامة: الفيشاوي كان الخيار المنطقي لـ "الشيخ جاكسون"

وقال سلامة، خلال حواره مع الإعلامي محمد الدسوقي رشدي، في حلقة اليوم الأحد، من برنامج "آخر النهار" المذاع على قناة النهار: "أكتر حاجة بحب أسمعها عن فيلم الشيخ جاكسون، إن الناس بتشوف نفسها في الفيلم، وبالنسبة لنا أحمد الفيشاوي كان الخيار المنطقي للفيلم، لأنه عاش اضطراب الهوية ولما قرأ السيناريو حسه على طول".

وأضاف: "لحد دلوقتي ما واجهتش حد شاف مشهد وجود جاكسون في المسجد واستفزه المشهد، ولما الرقابة شافت الفيلم حسوا إن كل حاجة في سياقها والفيلم نيته مش وحشة، أنا كنت متوقع تصادم بس ما حصلش، وكان عندي أمل يتفهموا الموضوع وده اللي حصل وأثنوا على الفيلم وحبيت رد فعلهم جدا".