أحمد أدم: "أقسم بالله كأس العالم في 2022 مش هيتعمل"

توك شو

أحمد أدم
أحمد أدم


شن الفنان أحمد آدم، هجوما شديدًا على الدكتور محمد البرادعي، نائب رئيس الجمهورية السابق، موضحا أنه هاجم العشوائيات، ولكن عندما تم تطويرها لم يتحدث عنها.

وقال "آدم"، في لقاء مع برنامج "كل يوم" المذاع على قناة "ON E" الفضائية، ويقدمه الإعلامي وائل الإبراشي: لولا ثورة 30 يونيو كان زماننا بنتناقش هنعمل الدستور أولا ولا الانتخابات"، لافتا إلى أن هذا ما حدث في الدول المجاورة لنا منذ سبع سنوات.

وأكد: "لو مصر كلها قالت له تعالى ابقى رئيس مش هيبقى رئيس.. هو جاي يعمل حاجة.. يحرك مياه راكدة.. ده كان الأبلسير بتاع الناتو".

كما هاجم كل من قطر وتركيا، موضحا: "دول مموتني من الضحك.. لسة مشافوش حاجة.. ومش حاسين بقيمة مصر.. فكروها فلوس وإعلام وإنهم ممكن يخدعوا العالم بالإعلام.. وغزو العقول باللجان الإلكترونية".

وأضاف: "قطر بتفكرني بمرجان أحمد مرجان.. كل حاجة عندها بالرشوة.. دول رشوا العالم كله.. ده عاملين كأس عالم ومورطين أوروبا معاهم.. وأقسم بالله كأس العالم في 2022 مش هيتعمل.. بيقولوا هيعملوا خيام للي جايين".

وشدد: "كل المليارات اللي بيصرفوها مش جايبة حاجة.. أمال هما جالهم انهيار عصبي من إية.. إحنا جامدين أوي ومينفعش دولة صغيرة زي قطر تحكمنا إحنا والشعب حطمهم وحطم مخططاتهم.. ولسة مشافوش حاجة".
ولفت إلى أن الرئيس التركي طيب أردوغان يهدد أمريكا وبعدها ترامب يهدده فيتراجع، وحلمه كان كبيرًا في مسألة الخلافة، معقبا بسخرية: "كان زماني أغا.. اقعد في حتة يا عم.. ده واحد بيلعب على كل الحبال وفي أيديهم دم كتير".