"أمهات مصر" تدعو طلاب الأول الثانوي لحضور أول امتحان إلكتروني 24 مارس لتقييمه

دعت عبير أحمد مؤسس اتحاد أمهات مصر للنهوض بالتعليم، جميع أولياء الأمور؛ لتشجيع أبنائهم علي حضور أول امتحان إلكتروني تجريبي المقرر عقده 24 مارس الجاري، لطلاب الصف الأول الثانوي في نظام الثانوية الجديدة.

وأضافت عبير، في منشور موجه لأولياء الأمور علي صفحة الإتحاد بفيس بوك: "جدول أولي ثانوي نزل النهاردة والامتحان يوم 24 مارس الجاري، أنا بدعوكم لتشجيع أبنائكم علي حضور الامتحان؛ علشان نقدر نقيمه صح ونشوف أوجه القصور فين، وهل الوزارة مستعدة فعلا لاجتيازه أم لا، وسيبكم من الناس اللي بتدعوا لمقاطعة الامتحان وعدم حضوره، الدعوات دي ضد مصلحة أبنائنا، أتمني إن جميع الطلاب يحضروا ويخوضوا التجربة لربما يكون في مصلحتهم وربنا يكرمهم، وبعدها نحكم علي الامتحان ونقول رأينا بصراحة".

وتابعت: "وبالنسبة للناس اللي بتقول إن مفيش استعدادات نهائي ولا معلمين فاهمين، فأنا بقولهم التجربة الحقيقية جايه خلال أيام في امتحان 24 مارس، وبالتالي خلونا نخوض التجربة ومش عايزين نرفض من أجل الرفض، وخلونا نتمني خير ونشوف بنفسنا علي أرض الواقع، ومش عايزين نحكم علي حاجة لسه مجربنهاش وقد تكون في مصلحة أبنائنا وقد تكون فاشلة، في النهاية خلونا ننتظر ونجرب ونخوض التجربة وربنا يوفق جميع أبنائنا".