رسالة عاجلة من وزير التعليم لأولياء الأمور بعد سقوط سيستم الامتحان

طمأن وزير التربية والتعليم طارق شوقي، الطلاب والأهالي، قائلًا: "لا داعي للقلق والتوتر من سقوط السيستم في امتحانات الصف الأول الثانوي اليوم"، مؤكدًا أن عدد الراغبين في مطالعة الامتحان وصل صباح اليوم 4.7 مليون شخص من أماكن داخل مصر وخارجها، رغم أن عدد الطلاب المقيدين في الصف الأول الثانوي لا يتجاوز 650 ألف طالب.

وأضاف "شوقي" في مداخلة هاتفية لبرنامج "انفراد"، المذاع عبر فضائية "الرافدين+" مساء اليوم الأحد، موجهًا حديثه لـ أولياء الأمور: "إحنا قولنا هنعمل امتحان تدريبي في يناير وعملناه على الورق وكان فيه مشاكل بشأن التسريب، وقولنا هنعمل امتحان تاني في 24 مارس وقولنا ساعتها هنختبر النظام الإلكتروني اللي الدولة بتعده بقالها سنة، لاختبار أمرين بالتوازي نجرب الأسئلة الجديدة والأولاد يشوفوها، ونشوف المكنة الجديدة ولو مكنتش شغالة فين الأعطال، هدف التجربة نلاقي المشاكل مش يبقى فيه مشاكل".

وتابع: "الغريب هما عارافين كويس إن مفيش نمر على الامتحان ولا له علاقة بالنجاح والسقوط، ونحن نفعل كل هذا عشان لما ييجي الامتحان اللي فيه نجاح وسقوط يبقى كله شغال، لو مش مطمئنين بنسبة 100% مش هنجرب النظام الجديد".

وواصل: "عايزين نتفادى الغش والتسريب، لازم نجرب النظام الجديد، إحنا قولنا وقولنا حتى يوم الخميس الماضي هنجرب ونشوف الأعطال والطالب عنده أكثر من فرصة ولو حصل تعثر هنعرف إن فيه مشكلة، وفي الحالتين الامتحان مش عليه نمر".

وأكد: "اللي حصل الصبح أول درس مستفاد من أول 12 بالليل صباح الأحد كان فيه 3 مليون واحد بيحاولوا يدخلوا على الامتحان رغم أن عدد طلاب سنة أول 650 ألف طالب، والساعة 9 الصبح كان 4.7 مليون، هذا العدد خنق السريفر، وكان جاي من بره مصر وجوا مصر".