وائل جمعة يهاجم منتقدي نجوم الأهلي: كفاية مزايدة

وجه وائل جمعة نجم الكرة السابق والنادي الأهلي، رسالة لكل المنتقدين للنادي الأحمر سواء لاعبين سابقين أو إعلاميين.

وغرد جمعة عبر حسابه بموقع التواصل "تويتر" :"صباح الخير .. الفتره الأخيرة هجوم كبير علي الاهلي من لاعبين سابقين وإعلاميين المفروض انهم محايدين ولكن بيشوفو بعين واحده بس".

وأضاف:"بالنسبة للاعبين لازم كل واحد يشوف ويفتكر نفسه قبل الاهلي وبعد وماينساش الأهلي ضافله ايه .. كفايه مزايده فارغه وتصفية حسابات علي حساب الأهلي .يتبع".

وواصل :"بالنسبة للإعلام ورؤيته وعدم حياده ياريت نتعامل بمعيار واحد ونعرف ان لاعيبه الكره ليها فتره زمنيه ومش مخلدين".

وزاد :"الأهلي طول عمره بيحترم لاعبيه وفي نفس الوقت بيدور علي مصلحته وهو دا الاحتراف اللي بتدورو عليه .يتبع".

وأتم :"‏في النهاية ربنا يحفظ مصر واهلها ويحفظ الجميع".