"متواضع".. الإعلامية أسماء مصطفى تتحدث رؤيتها لرئيس الوزراء
تحدثت الإعلامية أسماء مصطفى عن موقف حدث معها اليوم أثناء رؤيتها لرئيس الوزارء مصطفى مدبولي وذلك عبر حسابها على موقع التواصل الاجتماعي "فيس بوك".
وكتبت "مصطفى" قائله: "النهاردة نزلت مول العرب ومعايا ابنى نشترى طلبات وانا داخلة الجراج لاقيت الدكتور مصطفى مدبولي رئيس مجلس الوزراء سايق عربيته بنفسه ومعاه حرمه ودخل المول يوم الجمعة بزحمته بدون حراسة وفضل يلف يشترى حاجته الحقيقة ان المشهد ده مش غريب عليه ومتكرر داخل المول بالصدفة".
وأضافت قائله: " قابلته تانى ومحاولتش حتى بحس الصحفى او الاعلامى اصوره لان دى حياته الخاصة مش من حقى اتعدى على خصوصيته زى ما ناس حاولت تصور بدون ما ياخد باله وده عيب فى رايى خليت ابنى بس ياخد باله ويشوف انه المسؤل مش دائما هو نفس الصورة الى ممكن تتكون نظرا لطبيعة العمل او الحراسة الى بنشوفها بالعكس انسان متواضع زيه زى اى حد راجل مع مراته يوم الاجازة بيخلصوا طلباتهم بدون اى تعقيد او مبالغة وبمنتهى التواضع واشارة الى الامان الى احنا عايشين فيه حقيقى وثقة المسؤل فى حب الناس ليه واحترامه لنفسه وللمجتمع".
