سالي عبدالسلام باكية: "كنت هتجوز ومحصلش نصيب ..مبقاش في رجالة"

قالت الإعلامية سالي عبدالسلام، إن قامت بتقديم برنامج "قصة حقيقة" من أجل الإجبار بخاطر المشاهدين، معقبة: "مكنتش أتخيل إن رسائلكم وتعليقاتكم هي اللي هتجبر بخاطري، بيقولك على نياتكم ترزقون، ربنا رزقنا كتير أووي، كل كلام الشكر مش كفاية"

وتابعت "عبد السلام"، خلال تقديمه برنامج "قصة حقيقة"، المذاع على الفضائية "الأولى"،: "كل كلام الشكر مش كفاية، شكرًا على قصصكم، شكرًا على ثقتكم، شكرًا لأن قصصكم هي برنامجنا، انا جيت معظم الحلقات اللي صورناها في ا هذا لبرنامج وانا ببكي".

ودخلت في نوبة بكاء قائلة: "انا مش بختار حياتي، أنا بختار السكنية والمودة والرحمة، مش زي ما الناس بتقول اني بتنك، ومش عجبني العجب، أنا كنت بروح التصوير كتير وأنا معيطة، انا كنت هكتب كتابي وهتجوز، لكن الموضوع لم يكتمل، لأني أغلب اللي بنعرفهم مش قد المسؤولية، ومش رجالة"

وأوضحت: "ربنا رضاني أووي، انا اخدت حاجات كتير أووي، ربنا عوضني كتير أوي،، شكرًا على ثقة المشاهدين، شكرًا لأني رجعت أعمل في بلدي تاني، وشكرًا لأني كل الناس اللي حوليا بتحبني"

وأضافت: " كل حاجة راحت مننا مكنتش بتاعتنا، هفرح وهضحك تاني، وهرجع زي الأول، وهخلي أهلي يشفوني سعيدة زي الأول، لأني مفيش حد يستهال غير أهلنا بجد، انا بشكركم لأني اليوم هنام مبسوطة، وهنام وأنا مرتاحة".