وسقط احترامي لآبي

اسف علي اللي هبعته لكن اتسددت كل الطرق في وشي قلت يمكن الاقي عندك ولو مشورة .. انا عندي ٣٧ سنة ومحصلش نصيب واتجوزت وعايش مع اسرتي في بيت العيلة المكونة مني انا واخت اصغر مني بكتير هي لسة في الجامعة .. كل حاجة في العيلة دي ماشية من برة وقدام الناس تمام لكن اللي بدآت الاحظه ان سلوكيات وادي ووالدتي مع بعض مش حلو انها تحصل قدامنا .. همة باختصار اتجوزوا عن قصة حب ودة شيء لطيف ان اهلي يبقوا منسجمين لكن مش عارف ليه بقالهم فترة مش طويلة بعدين همة كبروا كمان في السن .. بقالهم فترة بيبالغوا في ظهورهم قدامي انا واختي او مش واخدين بالهم مثلا من سلوكياتهم قدامنا ودة بيجرحني كتير .. يعني والدتي ابتدت تلبس حاجات عجيبة تخص غرفة نوم يعني صعب الظهور بيها قدام اولاد وكمان كبار ! ووالدي كمان بدآ يهز معاها بالايد او يتلفظ بكلمات ما تلقش بآب قدام اولاده .. همة باختصار بيتصرفوا اكنهم لوحدهم في البيت وبالنسبة لآختي بلاقي في عنيها نظرات خجل دة غير انها بقت حابسة نفسها في غرفتها علي طول تحسبا لاي مو قف من النوع دة.. وبقيت انا واختي محرجين حتي نتكلم مع بعض عمالين طول الوقت نلاحظ ونحرج ونقفل علينا غرفنا .. مش عارف اتصرف ازاي انا مضايق جدا لان السلوكيات دي خليتني احس بقيمة الاب والام ابتدت تنهار في عيني واحترامي ليهم ابتدي يقل ودة شعور جديد علينا احنا طول عمرنا عيلة الحمد لله كويسين جدا يبقي ليه في اخر عمرهم يسبوا جوة الواحد شعور بالغثيان مش عايز اقول لحضرتك قد ايه انا متآزم نفسيا من الموضوع دة .. يمكن مشكلتي مش في حجم مشكلات تانية كتيرة لكن انا كمان خايف علي اختي من المناظر دي هي لسة في سن برضه حرج .. ياريت لو حضرتك تقوليلي اتصرف ازاي لو في حل فعلا .. واشكرك شكرا جزيلا .. 

م.آ

صديق فضفضة العزيز .. بالتآكيد يوجد حل ان شاء الله لكن كبداية انا لاحظت نضج فكرك بشكل عام .. من هنا استطيع ان اطلب منك شيء من التقدير او اعطاء العذر لوالديك لانه واضح من كلامك انكم اسرة طبيعية من البداية .. اذن ربما يوجد احتمال ان الوالدين غير منتبهين بالقدر الكافي بالفترة الاخيرة تحديدا . دعنا نعتبر ان الامر مجرد عدم تقدير ونتعامل من هذه الزاوية ثم بعد ذلك نحكم علي الامر بشكل نهاءي .. اري انك تطلب من والدك الحديث معه .. وتشرح له مشاعرك تجاه ما لاحظته مؤخرا لكن ستقوم بالحديث مع والدك بطريقة مهذبة .. قل له خوفك وحرصك علي مشاعر اختك وابلغه ايضا عن مشاعرك وان ما يحدث حتي وان كان الوالد يراه عاديا انه خدش اشياء كثيرة داخلك .. وقم بمدحه وانك تراه دوما نموذج للقيمة والمثل الاعلي وان علاقته بوالدتك الخاصة يصعب علي الابناء ان يتقبلون تفاصيلها مرءية .. صحيح انك شاب وتعلم جيدا ما يحدث بين الازواج لكن عندما يري الابن ابواه يصبح امرا مختلفا تماما .. هذا ما يجب لفت انتباه الوالد له فقط .. ودعه يرد عليك كما يشاء واستمع له جيدا .. ثم حاول ان تآخذ منه وعد بالاحتفاظ بخصوصياتهم .. انت هنا تتحدث مع والدك رجل لرجل لكن في حدود انك الابن لا تنسي .. اعني هناك عتاب يمكن ان يقال وآخر لايمكن فهو في النهاية والدك ..ارجو ان اكون افدتك كبداية .. دع الحوار بينكما يآخذ شكل واضح ومهذب وانتظر ردة فعل والدك .. واتمني انه ينتبه لما ستقوم بشرحه له .. امنياتي بكل الخير