هجوم أشخاص على منزل آيتن عامر.. تفاصيل
منذ قليل كتبت الفنانة آيتن عامر على الفيس بوك "اللى موجود جنب بيتى يكلمنى ضرورى" مما آثار الجدل حول المتابعين،وقامت الفنانة آيتن عامر بشرح ما حدث لها حيث كشفت الفنانة عن موقف مروع حدث لها بعد مشاجرة في الشارع أسفل منزلها، وقيام مجهولون بطرق الباب عليها.
وقالت آيتن عامر، من خلال حسابها علي فيس بوك: «خناقة تحت البيت أهل الولد اللى كان بيتخانق طالعين يخبطوا على بيتى وفاكرين انه اللى اتخانق مع ابنهم بيشتغل معايا ومخبياه وعايزينى أسلمه ليهم، ومكنش فى حد فى المدخل الوقت ده وطلعوا الدور عندى وتخبط فظيع على الباب وعز للأسف مسافر أخدت الولاد وقفلت عليا باب الأوضة».
وأضافت آيتن عامر: «ومن اللهوجة سبت تليفوناتى برة ملقتش غير الآيباد جمبي ومعرفتش أتصل بحد، فكتبت عشان جمبي يجيلى لحد ما فكرت اطلع البلكونة انده الناس يلحقونى».
وتابعت أيتن عامر: «والحمد لله طلعوا وكله تمام اطمنوا، والناس فهموهم أن مفيش حد أصلا تبعى اتخانق واعتذروا ومشيوا المنطقة فيها رجالة».
يذكر أن آخر أعمال آيتن عامر حكاية «وأنا قبلت» من مسلسل «زي القمر»، التي لاقت تفاعلًا كبيرًا بين رواد مواقع التواصل الاجتماعي، وتلقى صناع العمل ردود فعل جيدة، بسبب تعاطف الجمهور والمتابعين مع «ليلى»، التي تلعب دورها آيتن عامر، لأنها تناقش قضية مهمة يعاني منها المجتمع، وهى نظرة المجتمع للمرأة المتزوجة من رجل أصغر منها بسنوات.
