شاهد .. إطلالة نجلاء بدر في حفل ختام الجونة السينمائي

تألقت الفنانة نجلاء بدر في حفل ختام مهرجان الجونة السينمائي، بفستان أنيق باللون الاسود، ومن الناحية الجمالية أعتمدت تسريحة شعر مرفوعة مع مكياج ناعم وبعض الاكسسوارات.

ويذكر أن نجلاء بدر، أثارت جدلا كبير بفستانها في حفل افتتاح الجونة السنيمائي، ووضحت خلال مداخلة مع الإعلامعمرو أديب في برنامجه «الحكاية» على قناة «mbc مصر»: «أول مرة يحصلي حاجة زي كده في حياتي، أنا فعلا مخضوضة وبدأت أقلق هو أنا كان شكلي للدرجة دي مش حلو؟».

وتابعت: «مصممة الفستان عالمية ومعروفة وبتطلع فساتين كتير، ولما جينا نختار فستان الافتتاح، مفكرناش بمنطق إنه الأعرى، أو الأكثر عريا، اخترت الأحلى، والحقيقة الفستان في الكاميرات مختلف تماما، وتصميم العين بفكرة تطور لعين حورس، هي قالت كده، وحضرت كل زملائي قالولي انتي لابسة «قطعة فنية»، وقالولي الصور باين كأنك مش لابسة، الناس فاكرة إني لازقة المثلث، القماشة سينيه مبانتش في الصور«.







وتساءلت: «هل أنا واحدة بتعمل تريند، أنا بعيدة عن ده، هل مواصفات، منطقة البطن نصها باينة، والصدر مش باين، والبطن ده موجود في أغلب الفساتين في الجونة، هو موقف أكبر مني، وكنت متوترة، أنا أبسط من كده وأبعد من كده، أنا مش واحدة بتاعة استعراض، ولا أحب أكون في ملطش مع الجمهور، لإني بشتغل للجمهور.. أنا زعلانة، الفن أذواق، ممكن يعجبك، وممكن ميعجبكش، من قبل الحريقة ناس شمتانين، أنا مخضوضة، أنا عملت إيه، مش فاهمة فيه إيه«، ليتدخل عمرو أديب قائلا: «بصراحة الفستان ميتبلعش».