أماني التونسي: لما كتبت "علي الهامش" كان هدفي منه الاستقلال المادي للست

الفجر الفني

أماني التونسي
أماني التونسي
Advertisements



أعربت المؤلفة أماني التونسي، عن سعادتها بردود الأفعال حول حكاية "علي الهامش " ضمن مسلسل "الإ انا" وتصدره للتريند.

وكتبت أماني، علي حسابها الرسمي بموقع التواصل الاجتماعي "فيسبوك": "أنا لما كتبت المسلسل كان هدفي منه إن كل ست يبقى عندها استقلالها المادي وإنها لا تعتمد على زوج أو ابن ".

وأضافت قائلة:"المهم تكون عندها شغلها وشقتها اللي لو قدرت تجيبها  بفلوسها لإن الموضوع بتاع خيانة الزوج ليها او ان صاحبتها خانتها مجرد رمز ممكن الزوج  يموت مثلا ممكن يفلس ليه طول الوقت تبقى معتمدة ع حد غير نفسها ".

وأشارت: "بالنسبة لمبادرة أمان أنا معرفش مين عملها أو بدأها بس بالنسبة لي الهدف الأمان هو نفسك والعوض هو نفسك وشغلك ونجاحك ".

وتابعت كلامها قائلة:" وكونك اختارتي صح أو غلط جوازتك ده موضوع تاني ولازم نربي الجيل اللي جاي إن الام مش دادا وده أنا اتمنى إنه فكر يتغير في المجتمع وبعد ده كله لازم تعرفوا إن اللي وافق ع المسلسل راجل   واللي بيعرضوا ووافق عرضه، فالموضوع مش راجل وست وحرب بالعكس الموضوع عمل فني اثر في الناس ومن غير قوانيين تتغير أو لا الناس فكرهم اتغير وكل واحدة  المفروض تفكر تأمن حياتها ازاي وتبدأ منين". 

وتضم قائمة الحكاية نرمين الفقي، صبري فواز، جيهان خليل وهايدي رفعت ومحمود عمرو ياسين وتسنيم مطر وهايدي خالد، وعدد من الشباب والحكاية الجديدة من إخراج أحمد شفيق.