شيرين رضا: "مفيش حد يقدر يتنمر عليا لأني إلة تنمر"

عبرت الفنانة شيرين رضا، عن استيائها للمتنمرين عليها قائلةً:"مفيش حد يقدر يتنمر عليا لأني أنا  إله التنمر انتوا فاكرين  ان ده.. تنمر ده أنا ممكن اوريكم  التنمر إزاي.. بس أنا مبعملش كدة لية.. لأن أنا معنديش وقت".

وأضافت “رضا”، "بس كل فين وفين كده أقوم ماسكة حد  ما أنا هعمل إيه لازم أطّلع ما أنا إنسانة مقدرش أفضل طول الوقت اتشتم وأسكت ده غير  طبيعية البني ادمين.. غير طبيعة البشر".

وتابعت شيرين"، "أنا بسكت بسكت وبعدين بنفجر.. لو  أنا مش عاجبك اعملي ان فولو مش عاجبك الآراء بتاعتي متبصش عليها مش عاجباك صورتي متبصش عليها.. لكن هو أنا هلبس على رأيك ولا علي رأيها ولا هاكل على رأيك أو مزاجك  أو مزاجها.. في ايه أنا كدة مش هعيش حياتي".

وكانت  الفنانة شيرين رضا تحدثت عن تعليقات التنمر التي تتلقاها ابنتها نور عمرو دياب، مؤكدة إنه ا تستطيع ان تتنمر عليهم كذلك وتقوم بحظرهم.

وقالت:" ابنتي نور “هي صغيرة وجديدة على التنمر ده يعني انا خلاص تعودت وبعرف اتعامل الناس ازاي”.

وتابعت ان نور تشتكي لها من التنمر الذي تتعرض له قائلة “يتشكي لي إنه ليه الناس بتعمل كدة وليه بتقول كده اصلا قصدهم ايه فبقولها في ناس سخيفة لمجرد السخافة وهم فاكرون انهم يتنمرون علينا بس ممكن اتنمر عليهم انا كمان حيبقى ايه احساسهم لما يعرفوا نهم نكرة ولا حاجة وكل قوتهم إنه قاعدين ورا شاشة وبيكتبوا كلمتين”.