مفاجأة.. والد ياسمين صبري يتبرأ من زواجها: "كان من ورايا ودون علمي"
هاجم الدكتور أشرف صبري، والد ياسمين صبري، ابنته وذلك بعد تصريحاتها مع الإعلامي أنس بوخش قبل أيام، عبر صفحته الشخصية على موقع التواصل الاجتماعي "فيس بوك".
وقال “صبري”: “بعد ما سمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره، أصدقاؤنا كانوا بييجوا البيت بيشوفوها ولما كبرت جيبتلها عربية. ياريت الناس اللي يعرفونا وجم بيتنا يردوا ويقولوا ياسمين كانت عايشة في بيتي إزاي في كل مراحلها، وإزاي اتخطبت وعملتلها أجمل حفلة ودي صورها”.
وتابع: “الكدب ده بيبرر بالنسبة لها سبب عدم حضورها فرح أخوها. ولو أب اهتم بفرح ابنه وزعلان إن اخواته ما جوش مش هيهتم ببنته؟ أنا عملت لها حياة كريمة راقية ومحترمة وماكنتش فاكر إن الرد هيكون كده، والسر اللي الناس ما تعرفوش إنها اتطلقت من الراجل المحترم الدكتور ده بسبب أمها، لإنه حكالي وقالي أمها خربت بيتنا”.
واختتم: “اتجوزت من ورايا ودون علمي بعد التربية اللي عملتهالها، وعشان كده انا مش معترف بجوازها اللي من ورا ضهري، حسبي الله ونعم الوكيل”
ياسمين صبري من خطوبتها الأولى
