نشوى مصطفى: "المجتمع ملامحه بتتشوه واللى جاي مخيف"

حذرت الفنانة نشوى مصطفى من انتشار بعض السلوكيات الخاطئة في المجتمع، وذلك عبر صفحتها على موقع التواصل الاجتماعي “فيس بوك”.

وقالت نشوى مصطفى في منشور لها:“ اللي جاي صعب لو ماابتديناش من دلوقتى السلوك الفردى الهمجى بالوقت حيتحول لظاهرة وسلوك عام، القبح حينتشر اكتر واكتر والبلطجة حتزيد وكل ماهو لا أخلاقي حيعم، المجتمع ملامحه بتتشوه، دي مش ملامحنا، سمات شخصيتنا بتضيع ". 

وتابعت قائلة: "النخوة والشهامة والرجولة والجدعنة والحياء والاحترام بقت صفات شبه مش موجودة اللى جاي مخيف ومرعب، وحيطول الكل”.

وأضافت: “محتاجين إصلاح مجتمعى وده لازم كلنا نساعد بعض فيه، نكون تيار جماعي البيت والاعلام والفن والدين كله يشتغل مع بعضه علشان ننقذ السفينة قبل ماتغرق بينا، انشروا الحب فالقبح ينتشر والفزع قادم للجميع لو ما ابتديناش". 

واستطردت قائلة:" اللهم الغوث والمدد، اللهم انظر إلينا بوجهك الكريم نظرة تنير القلوب وتزيل ما في الأرواح من رهق”.