محمد موسى يهاجم محمد رمضان بسبب "شوال الدولارات" (فيديو)

توك شو

الفنان محمد رمضان
الفنان محمد رمضان

قال الإعلامي محمد موسى، تعليقا على واقعة قيام الفنان محمد رمضان بإلقاء الأموال على الجماهير، خلال حفله الذي أقيم ضمن فعاليات موسم الرياض: "تصرف مستفز كفاية بقى".

وأضاف "موسى" خلال تقديم برنامجه "خط أحمر" المذاع على فضائية "الحدث اليوم" مساء اليوم الجمعة: "فعلًا أغضب ناس كتيرة بعد ظهوره ماسك شوال عليه علامة دولار وبيرمي الفلوس على الجمهور".

وتابع: "أنا عايز أفهم هو بجد الكلام ده حقيقي بيرمي دولارات على الجمهور، ولو الكلام ده حقيقي هو ينفع يرمي نعمة ربنا ونرمي الفلوس بهذا الشكل".

واستطرد: "أنا شايف إن ده عدم احترام للجمهور اللي جاي يسمعه، طب لو دي مش دولارات حقيقية هو بيعمل كدة ليه، عايز يوصل رسالة معينة ويوري الناس إن الفلوس تحت رجله".

وأردف: "أنا مش فاهم إيه الرسالة اللي عايز يقدمها بالطريقة والسلوك ده، هو الراجل ده بيعمل التصرفات دي عشان يطلع تريند وكل الناس تتكلم عنه".

واستكمل حديثه: "إنت متقدرش تكون بتتصرف بشكل سوي وكويس قدام الناس، حتى لما حد يقلدك تكون قدوة كويسة مش مصدر ضرر له، كفاية بقى نصدر صورة عبده موتة والبلطجة، يا ريت نتعلم من أخلاق النجوم الكبار اللي عمرنا ما سمعنا حد فيهم بيعمل تصرفات زي دي".