رامي جمال يتربع على عرش التريند بـ "لسه الكلام زعلان"

تصدر الفنان الفنان رامي جمال مؤشرات الأكثر بحثًا على موقع "جوجل"، وذلك بعد النجاح الكبير الذي حققته أغنيته الجديدة "لسه الكلام زعلان" التي طرحها أمس على قناته الرسمية على موقع الفيديوهات "يوتيوب".

وحظيت الأغنية على إشادات عديدة من الجمهور الذين أبدوا إعجابهم الشديد بها، وجاءت تعليقات المتابعين كالآتي: "رهيبة يا رامي متألق كعادتك"، "مش أول مرة تطلع أغنية بالجمال ده هي حزينة جدًا بس تحفة"،"جميلة أوي مافيش حاجة رامي جمال بيعملها الإ وبتكون جميلة، كل مرة بيبهجنا بحاجة أحسن من اللي قبلها"، "بجد الأغنية جميلة بشكل غريب تحفة بجد من حقك إن التايم لاين يتقلب عليك يا نجم"، انت إحساسك وصوتك عظمة بجد".

والأغنية من كلمات جمال الخولي، وألحان رامي جمال، وتوزيع موسيقي أحمد إبراهيم.

أغنية "لسه الكلام زعلان" هي الأغنية السابعة ضمن ألبومه الجديد الذي يحمل عنوان "ولسه"، وجاءت كلمات الأغنية كالآتي: "لسه الكلام زعلان من يوم ماسبتيني.. مش قادر أنطق غير كلمة وحشتيني.. فينك ياريت شايفة، بس إنتي مش عارفة.. أنا موت 100 مرة من العيشة وحداني.. أنا بعد منك مين أنا فين بقيت مني.. بسأل عليكي ساعات وأسأل ساعات عني.. أنا توهة ورا توهة يا حبيبتي في غيابك.. إيه اللي من غيرك ممكن يطمني..طول مانتي عني بعيد، طول ما إنتي وحشاني.. إزاي يا روحي هعيش، وأنا روحي ناقصاني
.. جاوبيني لو سامعه، هو إنتي مش راجعة.. أنا موت 100 مرة من العيشة وحداني.. أنا بعد منك مين أنا فين بقيت مني.. بسأل عليكي ساعات.. واسأل ساعات عني.. أنا توهه ورا توهه يا حبيبتي في غيابك.. إيه اللي من غيرك ممكن يطمني".