شاكوش عن منعه من الغناء: "ماليش شغلانة غيرها.. ورضا البحراوي أخويا واتصالحنا"

الفجر الفني

حسن شاكوش
حسن شاكوش

علق مؤدي المهرجانات حسن شاكوش، على قرار نقيب المهن الموسيقية الفنان هاني شاكر الذي أكد سحب ترخيصه تمامًا دون رجعة، بعد توقيفه من قبل النقابة على خلفية مشكلته مع رضا البحراوي قبل نحو شهرين.

 

وصرح حسن شاكوش من خلال مداخلة هاتفية مع الإعلامي عمرو أديب في برنامج "الحكاية": "ده أكل عيشي والفن اللي بقدمه لجمهوري ماليش شغلانة تانية.. مشكلتي كانت أنا ورضا البحراوي ودي أول مشكلة ليا".


وأضاف: "رضا البحراوي بيشتغل وقررت الفترة الجاية هاخد قرار مع النقابة هقعد معاهم ونشوف حل لأن دي أول غلطة كانت ليا".

 

واستكمل حديثه: "عاوز أرجع أشتغل في بلدي ما ينفعش أبقى موقوف في بلدي واشتغل برة مصر، وعندي حفلات خارج مصر في الإمارات وتونس ولكن ألغيت كل حفلاتي داخل مصر عشان بحترم قرار النقابة".

 

واختتم حديثه: "الواحد ما لوش نفس يعمل حاجة، لكن أنا بسجل أغاني وناوي أنزلها الفترة الجاية مش هقعد في البيت،اللي فيه الخير يقدمه ربنا عاوزة أخد الخطوة والقرار، وأنا اتصالحت انا ورضا لأنه أخويا ورجع الشغل ربنا يكرمه ويرزقه".