عمر كمال ينشر صورة له بملابس الإحرام ويعلق: "كل حاجة أتمنيتها اتحققت"

أعلن  المطرب الشعبي، عمر كمال، عن سعادته البالغة بزيارة بيت الله الحرام، من خلال نشره مجموعة صور بملابس الإحرام عبر حسابه الشخصي بموقع التواصل الاجتماعي "فيسبوك".

وكتب كمال: "بوست هكتبه عشان اختم بيه اليوم الحلو ده، شهر ١ السنة اللى فاتت ٢٠٢٠  كان عندى شغل ف جدة وكنت لسه مش معروف زى دلوقتى خالص وربنا كتبلى وعملت عمرة،وقتها كان قبل شهرين من كورونا قبل الدنيا ما تقفل كلها.

وأضاف:"المهم روحت وقعدت قدام الحرم ودعيت ربنا بكل حاجة نفسى فيها قولتله يارب نفسى أخش السعودية بدعوة رسمية وأجي مهرجان كبير وصوتي يبقى مسموع، قولتله يارب نفسى أركب عربية كذة،قولتله يارب نفسى أسكن ف المنطقة كذة.، قولتله نفسى ونفسى ونفسى ونفسى، وأقسم بالله مفيش حرف واحد طلبته ألا وأتحقق أكتر من اللى طلبته وزيادة،والسنادى روحت السعودية تانى بوضع تانى وف ظل كل الظروف والعقبات ربنا كتبلى تانى أروح وازور الحرم "

تابع:" اللهم لك الحمد والشكر يارب ودعواتى المرادى تتحق كلها وأجى السنة الجاية بدعوات جديدة".

اخر أعمال عمر كمال الأغنية الشعبية "ضيعنا"، بمشاركة الشعبي عبدالباسط حمودة، أكثر من 2 مليون مشاهدة بعد طرحها مؤخرا، التي تعاون خلالها، للمرة الأولى، مع مطرب المهرجانات عمر كمال، وذلك عبر موقع الفيديوهات الأشهر عالميًا "يوتيوب