دفاع ناري من إلهام شاهين عن "المومس الفاضلة": النبي ذكر اللفظ.. ومتمسكة باسم المسرحية
عقبت الفنانة إلهام شاهين، على الانتقاد الموجه لاسم مسرحيتها الجديدة "المومس الفاضلة"، قائلة إن لفظ “مومس” لغة عربية فصحى، وهناك حديث للرسول –صل الله عليه وسلم- يقول فيه لفظ المومس، متسائلة: "هل هنلغي الحديث ده ومش هنعلمه للنشىء عشان كلمة مومس عيب، وهنلغيه من صحيح البخاري".
وأضافت "شاهين"، خلال اتصال هاتفي ببرنامج "كلمة أخيرة" المذاع عبر فضائية "أون"، مساء الأحد، "لما الأطفال يسألوا يعني إيه مومس هنقولهم يعني واحدة منحرفة.. إيه الصعب في تفسيرها"، لافتة إلى أن ارتباط المومس بالفاضلة موجود أيضا في الحديث الشريف.
وقالت إنها صرحت من يومين أنها ليس لديها مانع من تغيير لفظ "المومس"، معلقة: "لو هنشيل كلمة مومس هنحط الـ ونقاط.. والناس عارفة، المسرحية اتعملت باللفظ ده من الستينات ونائب بالبرلمان بيقول ده لا يتماشي مع المجتمع المصري، هو احنا في الستينات كان بيشوفه المجتمع الهندي، ولا المجتمع المصري".
وأضافت، "هو إيه اللي حصل.. الجنس بقا عامل هوس في دماغنا، لفظ مومس كلمة قالها الرسول في حديث.. أنا مستغربة الأوفر ده، اللي مش عايز يشوفها ميشوفهاش، والمضمون أهم من الاسم"، متابعة: "هو ليه التصعيد وتقديم طلبات الإحاطة، ما أنا قولت هغير الاسم، بس يظهر المشكلة في إلهام شاهين، الموضوع بقا سخيف، وأنا حاليا بقيت متمسكة بالاسم".
