"غيرة ونفسنة".. نجيب ساويرس يهاجم هاني شاكر بسبب مطربي المهرجانات (فيديو)

هاجم المهندس نجيب ساويرس، رجل الأعمال، الفنان هاني شاكر، نقيب الموسيقيين بعد قراره الأخير بمنع 19 مؤديًا للمهرجانات أبرزهم حسن شاكوش وحمو بيكا.

وقال "ساويرس" في اتصال هاتفي مع الإعلامي عمرو أديب ببرنامج "الحكاية" المذاع على فضائية "إم بي سي مصر" "كل واحد حر لو مش عاجبه الغناء متغنوش انا بحبهم، أنا بحب شاكوش وحمو بيكا".

وأضاف ردًا على سؤال بشأن إحضارهم في مهرجان الجونة "هجيبهم في المهرجان، أنا مش بقول حاجة مش بعملها، وبقول لمطربي المهرجانات فيه  قانون في مصر وخليهم يرفعوا قضايا".

وتابع "هو ليس قائم على أذواقنا والموضوع فيه غيره ونفسنة، هو ربنا أدالك السلطة أنك تبقى قيم على أذواقنا في السمع، هو دوره اجتماعي يوفر معاش يشوف لو حد تعبان إنما يقولنا نسمع ايه ومنسمعش ايه لا والقانون غلط".

واستطرد "هو ربنا علشان يمنعنا نسمع ايه إحنا اللي نحدد ايه اللي نسمعه مش يجي يفرض علينا طريقته، وكمان قطع الأرزاق ربنا مبيسمحش فيه ويسيب الناس تأكل رزقها".