هند الراوي بعد غنائها في حفل افتتاح الكباش: "لما بغنى صعيدي بحس إني جايه من الزمن البعيد"

الفجر الفني

هند الراوى
هند الراوى

كشفت المطربة هند الراوي تفاصيل  مشاركتها في حفل افتتاح طريق الكباش بمدينة الأقصر، أثناء غنائها ومحاكاة تمثيل عيد الأوبت، بحضور الرئيس عبد الفتاح السيسي.

 

وأعربت هند عن سعادتها وفخرها بالمشاركة في هذا الحدث العالمي خلال مداخلة هاتفية في برنامج يحدث في مصر، مع الإعلامي شريف عامر، قائلة: "أنا عايشة في فرنسا، بس لما باجي مصر واشترك في أحداث زي دي، بحس روحي وأصولي بترجعلي، أنا والدتي من سوهاج، ووالدي بدوي، بس الصعايدة دول حبايبي.

 

وتحدثت الراوى عن تحضيراتها للحفل قائلة: "أنا بقالي 40 يوم بتدرب على الأغنية، وبدأت البروفة النهاردة من الساعه 5 صباحًا، وغنائي لأغنية صعيدية يختلف عن أي غناء تاني، لأنه بيحسسني بالقوة والفخر والشموخ، لما بغني صعيدي بحس أني جاية من الزمن البعيد".

 

وتابعت هند  الراوي: أنا عايشة برة مصر وبشوف اللي بيحصل في مثل الأحداث دي، لأن العالم كله بيبحث عن الحضارة المصرية، فبشوف أي حدث بيحصل في مصر العالم كله بينتبه له، وهما كمان بيحسوا بالفخر، وبيكونوا مبسوطين.

 

و عن دور المرأة في الحفل قائلة: حسيت النهاردة أن المرأة ليها حقوق في كل شيء، وكنت فرحانة أني أنا ست وواقفة وبغني، وبقول أنا أهو، وكمان وجود ستات كتير في الحدث دا ".