إيمان الحصري: "اخواتي مهدوا لبنتي إني مش هعيش"
حلت الإعلامية إيمان الحصري ضيفة على برنامج "صاحبة السعادة" الذي تقدمه الإعلامية إسعاد يونس، على شاشة dmc.
وتحدثت إيمان الحصري لأول مرة عن كواليس رحلة علاجها الصعبة التي استمرت نحو 7 أشهر قائلة "في آخر زيارة لما الدكتور قالي خلاص تقدري ترجعي بلدك كنت فرحانة إني هرجع بس في نفس الوقت كنت خايفة من المجهول، خصوصا لما بتتعبي وبتروحي مكان بعيد ببقى بفكر هل ده ممكن يرجع تاني ولا لأ؟".
وتابعت "بس قلت خلاص الحياة لازم ترجع بشكل طبيعي، وفي بعض المحاذير اللي ببقى ماشية عليها عشان ده مش بيروح مرة واحدة، وبياخد وقت والحمد لله الدنيا تمام كل المخاوف بتروح مع الوقت".
وذكرت الحصري، العديد من المواقف لاخوتها أثناء فترة علاجها قائلة: "كانوا معايا طول الوقت وبنتي عاليا، وسابوا حياتهم وشغلهم وكانوا قاعدين تحت رجلي".
وأكملت إيمان "وقت ما كنت في العناية المركزة كانوا بيباتوا في العربيات في الشارع، وكنت شايلهة هم زيادة فوق همي، عشان زعلانة لأنهم سابوا حياتهم عشاني، وكنت خايفه إني أموت وأسيبهم، كنت عبء كبير عليهم".
واختتمت حديثها قائلة "أخواتي كانوا بيسمعوا إني مش هكمل، وعرفت بعد كده أنهم بيمهدوا لبنتي إني مش هكمل وبيقولوا لها إني بتعذب، وأنا كنت في دنيا تانية ساعات فايقة وأوقات لأ".
