إيمان الحصري ترفع دعوى قضائية ضد الأطباء الذين تسببوا في تدهور حالتها الصحية

الفجر الفني

إيمان الحصري
إيمان الحصري


كشفت الإعلامية إيمان الحصري، عن رفعها دعوى قضائية ضد الأطباء الذين تسببوا في تدهور حالتها الصحية، كونهم تعاملوا مع أخطائهم الطبية بطريقة أسوأ خطأ.

 

وقالت إيمان الحصري، خلال حوارها في برنامج "صاحبة السعادة"، مع الإعلامية إسعاد يونس، الذي يُعرض على شاشة "dmc": "مش رفعت قضية عشان أطالب بحقي، لأ، أنا قدرت أتعالج وأقف على رجلي، سواء قدرت أسافر بره مصر أو غيره، بس فيه ناس مش معاها، يعني لو حصلهم الأخطاء دي هيموتوا مش هيلحقوا يسافروا، أنا مش هسيب حقي مش معناها إني بتكلم عن نفسي، مفيش أي حاجة هتعوضني على الـ 8 شهور اللي مريت بيهم في مرضي، بس فيه ناس غلابة ممكن تتعرض لمثل هذه الأخطاء، والمخطئ لازم يتعاقب ويتحاسب".

 

وأضافت إيمان الحصري: "أنا ممكن أطلع أقول مسامحة في حقي، رغم أنه مش من حقي لأنه حق أسرتي، بس مش هسامح عشان المخطئ ياخد عقابه ونمنع تكرار الواقعة، وأثق تمامًا أن الأخطاء الطبية واردة في أي مكان في العالم، لكن في دول العالم القانون حاد جدًا في التعامل مع الأطباء المخطئين".

 

وتابعت إيمان الحصري: "لما أجي أرفع قضية يبقى بشاور على الخطأ والإهمال، الأخطاء واردة، لكن الإهمال في التعامل مع الخطأ يعد جريمة، الأخطاء الطبية واردة جدا، واللي أنقذني كان أطباء مصريين هنا في مستشفى وادي النيل، فيه ناس كتير محترمة، بس الاستثناء موجود في أي مجتمع، هذه الاستثناءات يجب التعامل معها بشكل رادع، إحنا روحنا مستشفيات في الأقاليم والقرى، شوفنا شباب أطباء بيعملوا عمليات طبية جراحية أشبه بمعجزات، زي واحد دخل في دماغه سيخ حديد، عالجوه وطلعوا السيخ وحافظوا على حياة الراجل".