بعد احتفالهم بعيد ميلادها.. مي كساب توجه رسالة مليئة بالحب لجمهورها وعائلتها

الفجر الفني

مي كساب
مي كساب
Advertisements

 

أعربت الفنانة مي كساب عن سعادتها الكبيرة بسبب مفاجأة عائلتها باحتفالهم بعيد ميلادها بعد عودتها من التصوير، وقامت بتوجيه رسالة لهم ولجمهورها، وذلك من خلال حسابها الشخصي على موقع التواصل الاجتماعي "فيسبوك".


نشرت مي كساب صورة جديدة لها، وعلقت عليها قائلة: "مع بداية يوم جديد في سنة جديدة من عمري أبوه فعلًا أنا بأبص لنفسي عمري ما بأحس إني كبرت في السن كبرت في العقل بس لكن قلبي بيبي بريئ  قسوة الحياه ما قدرتش برضه تلوثه".

وتابعت مي كساب قائلة:"الحمد لله حتي يبلع الحمد منتهاه على كل نعمه ليه، النهاردة كان يوم مختلف عشان ولادي وجوزي وأبويا عملولي عيد ميلادي، وصحيت من النوم بعد يوم تصوير شاق جدًا علي مفاجئتهم ليه، كانت بسيطة وجميلة وصادقة من أنقي القلوب في عمري، أبويا وجوزي وولادي ربنا يخليكم ليه يا نور الحياة، بحبكم حب كبير قوي قوي".

وأضافت قائلة:"شكرًا لكل حد كتبلي كلمة حلوة من قلبه، شكرًا حبيبه قلبي صابرين النجمة الكبيرة قوي، شكرًا فريق عملي شركاء الكفاح علي أول عيد ميلاد، شكرًا سالي وفاطمة وسارة أصحابي اللي صممو يكونو معايا رغم سوء الجو".

واستكملت مي كساب كلامها:" الحب الصادق نعمة كبيرة قوي، وأخيرًا جوزي يا ابن الاصول بحبك يا جنرالي، ربنا يكرمك زي ما أكرمتني، كل شمعه طفيتها من امبارح، النهارده كنت بأدعيلك قبلي ربنا يخليك لينا وتحقق كل أحلامك ويبعد عنك أي شر طول ما إنت كويس أنا كويسة وسعيدة، واللي فات من عمري كوم واللي جاي كوم نبدأ بقي من يوم السبت بداية جديدة، جمهوري بحبكم قوي شكرًا علي كل الحب اللي غمرتوني بيه النهاردة".