"ضربوني وشتموني".. الفنانة شريفة ماهر تكشف تفاصيل صادمة حول أزمتها مع أبنائها

توك شو

الفنانة شريفة ماهر
الفنانة شريفة ماهر

قالت الفنانة شريفة ماهر، إنها تملك الجنسية السويدية، لكنها تفضل الإقامة في مصر دائمًا، معقبة: “مش بطيق أقعد هناك شهر، والسويديين بيحبوا السيسي وبيقولوا لي ديمقراطي، ربنا يديله الصحة، قعدت مع جميع ملوك العرب مشفتش حد بيتعامل مع الأطفال زي الرئيس السيسي، ربنا إدانا الرئيس السيسي هدية.”

وتطرقت خلال حوارها مع الإعلامية بسمة وهبة مقدمة برنامج "90 دقيقة"، المذاع على قناة "المحور" إلى خلافاتها مع أبنائها، موضحةً: "وزعت جزء كبير من ميراثي، شريف وطارق شتموني، شريف زقني مرتين ودراعي اتكسر من 4 سنين، ولادي أخدوا كل اللي حيلتي، وشريف قالي هقلعك هدومك". 

وحول ابنتها ناهد، قالت: "مش حنينة وقلبها جامد عليّ منها لله وقلبها أجمد من إخواتها ومسألتش عليّ، وشريف هو طول عمره بيحب الفلوس أكتر من أبوه وأمه، بيعبد القرش". 

وأشارت، إلى أنها اعتزلت الفن وارتدت الحجاب منذ 45 عاما، وأطلقت الكثير من المشروعات العقارية: "في فيلم أعز الحبايب شكري سرحان ضربني بالقلم وعيني جابت دم، ومبقتش أشوف كويس وشريف استغل الحكاية دي وكان بيمضيني على العقد وكتير أوي، مضاني على 4 عقود معرفش فيهم إيه".

وتابعت: "مش هشتكيه وربنا هيجيب لي حقي، وطلب مني يروح يقعد معايا في شقة جاردن سيتي، ومضاني وأنا مش بشوف على حاجتي مش بتاعتي وهي الشقة دي الإيجار، وأبوه قبل ما يموت قالي هأمنك عشان شريف لما هموت هيقلعك هدومك وفعلا طول عمره بيعبد الفلوس ومكنتش أتخيل إنه يعمل فيّ كده، بقاله 9 أشهر مقاليش إنتِ فين". 

ولفتت إلى أنه طردها من شقتها التي كانت تقيم فيها بمنطقة جاردن سيتي بنظام الإيجار: "قاعدة في العمارة بتاعتي في المهندسين وكاتباها باسم بنتي نيفين، وحد قالي إن شريف طلب الفيلا من الشهر العقاري رغم إن نيفين مسجلاها، وفعلا استولى عليا شريف خان الأمانة".