عمرو الليثى عن عبد الله مشرف: ظهوره على الشاشة بيرسم الابتسامة
قال الإعلامى دكتور عمرو الليثى بمقدمة برنامجه واحد من الناس على شاشة الحياة، ضيفى فنان بدرجة استاذ فى فن الطيبة تحس إنه جارك أو صاحبك أو حد قريب منك، نجوميته من نوع خاص جدا، واستطاع ان يحقق شهرة ونجاح والأهم حب الناس، خفة دمة مالهاش حدود وموهبته خرافية مجرد ظهورة على الشاشة بيرسم الابتسامة.
وتابع الليثى اما تجسيده للشخصيات فحكاية مالهاش اول ولا اخر مفيش كاراكتر يعرف يهرب من امكانياته، ومفيش شخصية قدرت تفلت من قدراتة، وجوده فى اى عمل بيسيب علامة حتى لو مشهد واحد أو جملة واحدة، مين فينا مش بيحبه، مين فينا ما بيشبعش من طلته، مين فينا مش بيصفق له فى مشاهد عبقرية كوميدية ببساطة وعفوية.
