تصريحات محمد التاجي عن شيرين عبد الوهاب وياسمين عبد العزيز وأحمد العوضي تثير الجدل
أثار الفنان محمد التاجي، الجدل بعد ظهوره في مقطع فيديو متداول عبر مواقع التواصل الاجتماعي، وتصريحاته بخصوص ما قامت به الفنانة شيرين عبدالوهاب عند إزالة شعرها بعد طلاقها.
قال محمد التاجي: "أنا كتبت بوست النهارده وقولت ما أنا كمان أقرع وحطيت صورتي وصورتها مع بعض وبحلق زيرو، محدش دعمني، كل السوشيال ميديا كاتبين ادعموا شيرين، كأن الست سقطت من منطقة عالية، الناس بتعمل من الحبة قبة، ماهي اتجوزت مرة واتنين وتلاتة قبل كده".
وتابع محمد التاجي: "أنا شوفت اللوك اللي هي عاملاه دا أول مرة في التمانينات في أمريكا، ومن الواضح أن دا برغبتها وهي اللي مخططة، فمنقولش إن شيرين ضحية، لا هي مش ضحية، انتى حرة تقلعي شعرك تخلعي شعرك أنتى حرة، وأنا بحبك وبحب صوتك جدًا".
كما علق محمد التاجي، على ردود أفعال المشاهدين بعد ظهور الفنانة ياسمين عبدالعزيز وزوجها الفنان أحمد العوضي على شاشة CBC ببرنامج "معكم منى الشاذلي" وقال: "حمد لله على سلامتك يا ياسمين.. أنا مش هتكلم أكتر من كده، وأحمد العوضي عمل ايه عشان البنات يعيشوا في محنو، ايه يعني أنه واقف جمبها، هو إحنا بنتجوز عشان نسيبهم ونقعد في حتة تانية".
وأضاف: "مش في عقد، يبقي غصب عنه لازم يقف جمب مراته، وهو لو جراله حاجة هي غصب عنها لازم تقف جمبه، أنا مش شايف أن في شذوذ في الموضوع، انتوا عاملين من الحبة قبة، زي طلاق شيرين كده".
وتابع: "لازم الراجل يقف جمب مراته في أي مِحن من محنها، وكل واحد بيشيل شيلته، لكن ياسمين هي اللي صعبت عليا، اللي اتعمل فيها، أنا مشوفتش لما كانت مع منى الشاذلي، لكن شوفت الـ7 شهور، ووائل أخوها صديقي حتى على الصفحة، وكنت ببعتلها دعمي عن طريقه يعني محبتش أعمل البروباجندا وأكتب أنا واقف جمبك والكلام اللي بيحصل دا".
