السيسي: "أنا عايز يوم القيامة ربنا يشيلني كل حاجة عملتها"
قال الرئيس عبد الفتاح السيسي، إن اللواء كامل الوزير، وزير النقل، عندما تحدث معه عن زيادة سعر تذكرة المترو أكثر من جنيه قال له: "لا متزودهاش ومتقربش منها إلا بعد تقديم خدمة متميزة"، معقبًا: "اللي كان خايف يزود التذكرة حتى لو كانت البلد تخرب علشان الكرسي يقعد هو ويخرب فيها ونخلي البلد كُهن.. سكة حديد تعبانة وبلد تعبانة وموانئ تعبانة، الناس كانت عارفة كويس العلاج، العلاج عايز فلوس".
وأضاف "السيسي"، خلال كلمته على هامش افتتاح التوسعات الجديدة والتطوير لمصنع كيما للأسمدة، اليوم الثلاثاء،: "أول ما تلاقي كل قطارات مصر مفيش عربية ولا جرار قديم ومفيش على السكة كلها قطار قديم"، ليعقب كامل الوزير: "بكرة الصبح مش هيكون على السكة أي قطار قديم"، وعقب الرئيس: "نرجع للتسعير حد يقولي ما تسيب اللواء كامل ولا رئيس الوزراء يشلها، أنا عايز يوم القيامة ربنا يشيلني كل حاجة عملتها، احنا بنحط أسس لدولة جديدة لتنمو كما نتمنى ونأمل".
ويشهد الرئيس عبد الفتاح السيسي، افتتاح التوسعات الجديدة والتطوير لمصنع كيما للأسمدة.
وقال السفير بسام راضي، المتحدث الرسمي باسم رئاسة الجمهورية، إن الرئيس عبد الفتاح السيسي يتفقد صباح اليوم مصنع اليوريا ونترات الامونيا بمنطقة كيما بمحافظة اسوان، كما يقوم كذلك بتفقد محطة سكك حديد اسوان حيث يشهد تدشين الوحدات المتحركة الجديدة بمختلف انواعها من قاطرات وعربات السكك الحديدية.
