السيسي: الصرف الصحي هيغطي كل قرية في مصر (فيديو)
علق الرئيس عبد الفتاح السيسي على طلب أحد المشاركات في معرض الحرف التراثية بأسوان على مشكلة الصرف الصحي في قريتها.
وقال الرئيس السيسي: "إحنا غطينا كل قرى الصعيد ضمن مشروع حياة كريمة وبدأنا بالتلت الصعب اللي هيخلص في يونيو العام المقبل".
وأضاف: "صدقيني اللي اخترناه كان أصعب تلت هيخلص في سنة هنعمل الصرف الصحي وهنراجع الكهرباء والبيوت اللي حالتها صعبة والطرق وكل ده".
وتابع: "مفيش حد يقولي صوت في ودني هقوله اعمله الموضوع مش منتقي، إحنا مش هنسيب حد وهنغطي كل قرية في مصر".
واستطرد: "كل قرية لازم يدخل لها صرف صحي ومياه شرب كويسة وكهرباء وغاز واتصالات ونت وتبطين الترع لو مفيش مدارس هنعمل والمحليات".
وأردف: "الأمل عند ربنا أننا نخلص في الثلاث سنوات اللي بدأوا في ستة أشهر والوعد ده مش مني ده من الدولة المصرية"، مناشدًا أهالي أسوان "ادعوا لنا ربنا يوفقنا ويفتح علينا وإحنا نعمل كل حاجة".
