مصطفى شوقي: موصلتش للنجاح إلا بفضل نصر محروس.. وأنا مش شبه محمد منير

الفجر الفني

مصطفي شوقي
مصطفي شوقي

حل الفنان مصطفى شوقي ضيفا على برنامج "صاحبة السعادة" الذي تقدمه الإعلامي إسعاد يونس الذي يعرض على قناة dmc.

 

وتحدث عن مسيرته الفنية ومساعدة المنتج نصر محروس له، كما كشف شوقي عن تلحينه أغاني للعديد من الفنانين.

 

وقال مصطفى شوقي "أنا لحنت أغاني لفنانين كتير، منهم مصطفى قمر، ونانسي عجرم في أغنية وحشاني يا مصر، بس دلوقتي بقيت مركز على الغناء أكتر".

 

وتابع "فيه ناس بتقعد سنين عشان توصل للنجاح  اللي أنا وصلت له ده في أغنية ملطشة القلوب، وممكن بعد كدا مقارنة الناس لأي حاجة هنزلها هتكون ظالمة شوية بس دا ميقللش من أي حاجة".

 

وأضاف "والخطة بعد النجاح دي مش بتاعتي، لأن نصر محروس هو اللي بيخططلين خصوصا أن اختيار الأغنية صعب جدا ولازم المطرب الناجح يبقى عنده القدرة على الاختيار، أو حد يختار له زي نصر محروس، ودي موهبة عنده، ودانه حلوة وخبرته كبيرة".

 

وأكمل حديثة قائلا "بحاول أوصل للنجاح دا بقالي أكتر من 20 سنة وموصلتش إلا بفضل نصر محروس، وأنا مش شبه محمد منير؛ لأن مفيش منير تاني".