محمود الليثي لـ "حبر سري": "احنا مش ممثلين وخلطة أفلام السبكي عمرها ما هتروح من مصر"

أكد المطرب الشعبي محمود الليثي، أن خلطة الأفلام التي يقدمها السبكي وتتكون من مطرب وراقصة لم ينخفض مستواها من ناحية الإيرادات، قائلًا:"خلطة السبكي بتاعة المطرب والراقصة بتجيب فلوس كويس ومستواها لم يقل عن الأول  وبتكسر الدنيا وكل واحد له رزقه بتاع ربنا".

وأوضح المطرب محمود الليثي، خلال حواره ببرنامج "حبر سري" مع الإعلامية  أسما إبراهيم، على قناة القاهرة والناس، أن الأفلام التي يقدمونها في العيد أصبح لها جمهور وخلطة ستظل مستمرة، مضيفًا: "احنا مش ممثلين بس ربنا منحنا إننا نبقى ممثلين وننجح والخلطة اللي بيعملها السبكي عمرها ما هتروح من مصر".

وتابع: "خلطة السبكي ستظل في السينما لأن الشعب المصري بيحب الفرحة والإفيهات اللي بنعملها في الأفلام"، لافتًا إلى أن قصص الأفلام التي يقدمونها فيها قصص من الشارع المصري البسيط.