السيسي: مستعد أعمل انتخابات في كل سنة ولكن بشرط واحد (فيديو)
قال الرئيس عبد الفتاح السيسي، تعليقًا على من يتحدثون عن قضية حقوق الإنسان في مصر إنه مستعد أن يقوم بعمل انتخابات رئاسية كل سنة ولكن بشرط واحد.
وأضاف الرئيس السيسي خلال لقائه مع الصحفيين الأجانب على هامش منتدى شباب العالم اليوم الخميس: "أعطونا الفرصة أن نتحول إلى الأفضل دون ضغوط تؤدي إلى ضرر وفي النهاية مش هتقدروا تساعدونا هتبعتوا المبعوثين ويتكلموا ويقولوا شوف لهم قرشين علشان الأكل مش الحاجات دي اللي بتحصل".
وتابع: "مش عايزين تفرقوا في بلد زي مصر مع الوضع في الاعتبار أننا كنا مهددين لهذا خلال السنين اللي فاتت بنقول فيه جيل حقوق الإنسان الأول اللي بيتكلم على حرية التعبير والرأي والجيل الثاني اللي بيتكلم على الاقتصاد والاجتماع والصحة قولوا دي وقولوا دي، أنت شغال هنا كويس ومحتاج ملاحظات هنا".
واستطرد: "ولكن أنت بتتكلم وكأن مفيش في مصر غير القضية دي، هذه القضية لا تعكس الرأي العام في مصر مش بقول كده علشان أنا قاعد في هذا المكان أنا مستعد في كل سنة أعمل انتخابات في مصر ولكن بشرط واحد ثمن تكاليف الانتخابات ادفعوها أنتوا".
وأردف الرئيس السيسي: "كل المنظمات الدولية والأمم المتحدة والاتحاد الأوروبي والأفريقي ومنظمات المجتمع المدني والناس لو قالت لا هسيبها وأمشي مش هو ده المعيار ولا إيه ولا إرادة الناس مش معيار، لا إرادة الناس في مصر هي المعيار".
