بعدما كشفت عن تفاصيل لقائها بيحيى الفخراني.. لميس جابر تتصدر تريند "جوجل"

تصدرت الدكتورة لميس جابر، زوجة الفنان يحيى الفخراني، مؤشرات الأكثر بحثًا على موقع "جوجل"، بعد لقائها هي وزوجها مع الإعلامية إسعاد يونس في برنامج "صاحبة السعادة"، وبعدما كشفت عن تفاصيل أول لقاء جمعها بزوجها.

وقالت لميس جابر أن إسعاد يونس كانت السبب في معرفتها بزوجها الفنان يحيى الفخراني، حيث كانت  الأخيرة في ثانوي، وهي حينها كانت في كلية الطب وكانت تربطهم علاقة صداقة قوية، وأن إسعاد صممت أن تذهب معها للكلية لكي ترى المشرحة، مُضيفة:" قولتلها هتخافي تقولي لأ، وبدل ما أدخلها المشرحة دخلتها المتحف فقلت أجزاء بشرية متحنطة، قالتلي إيه دا دا يخوف دا ولا هي هنا، قولتلها تعالي أوريكي المشرحة، ودخلت إسعاد المشرحة لقيتها بتسألني بتشرحوا ازاي وبتعملوا ايه وازاي هو بس كده دي المشرحة، قولتلها مخوفتيش ازاي كده، وأحنا مروحين هي لقطت إعلان فرقة طب عين شمس المسرحية على مسرح الهوسلير".

وبعد ذلك ذهبوا لمشاهدة المسرحية على مسرح الهوسابير، مُضيفة:" اتفقنا وروحنا نتفرج على الرواية في المسرح، والكلام دا في المسرح حصل في دخلتك يا يحيي أنت علينا وقتها".

واختتمت كلامها قائلة:" وقتها يحيى شبه عليا قالي أنا شوفتك فين قبل كده، وسألني وقتها انتي معانا، وقتها قال معلش أوعوا بقى وراح عازمنا ودفعلنا 10 صاغ تذكرتين، واتفرجنا أنا وإسعاد وقتها على الجزء الأول وخوفنا من التأخير فروحنا جري، وبعد كام يوم جبنا أمي معانا كمحرم عشان نتفرج على باقي الرواية، واتفرجنا عليها على نصين".