"شابو للعمل ده".. الجمهور يشيد بفيلم" لعبة شيطان "
أشاد عدد كبير من الجمهور على جميع مواقع التواصل الاجتماعي المختلفة بفيلم "لعبة شيطان"، مُعبرين عن اعجابهم الشديد بقصته، وأنهم تفاجئوا بها وبأداء الفنانين، ووجدوا فيه جرعة مكثفة من الرعب.
حيث كتب أحدهم: "لعبة شيطان الفيلم الأفضل على الإطلاق في الفترة الحالية وبجد دي دماغ شيطان فعلًا، فيلم غريب ومختلف من جميع الاتجاهات سيناريو غير متكرر، ولأول مرة هتشوف حاجة بالاختلاف ده من تصوير وأداء فالتمثيل، يكفي إن الواحد كان قاعد خايف من الرعب ومش متوقع إني كنت أخاف كده خصوصًا في فيلم مصر عشان كده الناس اللي بتحب الرعب لازم تتفرج علي الفيلم ده هتشوف نهاية غير متوقعة أبدًا".
وكتب آخر:" مين فينا مش بيحب فيلم "الفيل الازرق"، ومين فينا ينكر إنه الفيلم الافضل في السينما المصرية حتي لحظة نزول فيلم "لعبة شيطان" تقريبًا نفس الابداع ولكن مع تطوير في الأفكار والرؤية بجد من الافلام اللي هتكسر الدنيا وياريت كلنا نساعد علي انتشار الأفلام الحلوة اللي بتتناسب مع ذوقنا العام".
وكتب الآخر:" فيلم لعبة شيطان أو "الفيل الأزرق ٣" نقدر نقول عكس المتوقع تمامًا، كنت متخيل أنه سيناريو هابط كالعادة لكن نظرتي ليه اختلفت تمامًا بعد ما اتفرجت عليه تقريبًا كده حاجة في نفس عظمة الفيل الازرق وبجد لازم نقول شابو للعمل ده وياريت نستمر على هذا الابداع".
الفيلم بطولة باسم سمرة، محمد عز، مصطفى أبوسريع، مي القاضى، إسلام إبراهيم، أحمد سلطان، نانسي صلاح، فهد شلبي، منى ممدوح، منة بدر تيسير، وكوكبة مميزة من النجوم، وهو من تأليف دكتور أحمد عثمان، ومن إخراج إبرام نشأت.
