هادي الباجوري: مشهد الرقص في "البحث عن علا" بيمثل الواقع وبقيت بتجاهل تعليق الجمهور
علق المخرج هادي الباجوري، على الهجوم الدائر حول الفنانة هند صبري بعد ظهورها ببدلة رقص في مسلسل “البحث عن علا”.
وقال “الباجوري” من خلال لقائه في حلقة خاصة من برنامج “كلام الناس” المذاع على قناة “MBC”: “مشوفتش تعليقات الجمهور حول بدلة الرقص في مسلسل البحث عن علا، ولكن هو مشهد حقيقي بيحصل في الواقع في قعدة بنات وصاحبتك تجبلك بدلة رقص، وشخصية علا كان نفسها تجرب حاجة جديدة وترقص فـ صاحبتها اللي بتقوم بـ دورها دينا جابتلها بدلة رقص عشان المشهد يتعمل صح”.
وتابع: “ أحنا شعب دافن راسه في التراب وعندنا انفصام في الشخصية والأحسن اللي مش عاجبه ميتفرجش إنما كدا أنتوا بتبوظوا شغلي وأنا بقيت أتجاهل أي تعليق بسبب كدا لأن الناس سابت نجاح المسلسل والقصة وركزت على بدلة الرقص، أنا مش شايف إيه المشكلة، ما ده بيحصل عادي، والناس بتمشي على البحر ب مايوهات عادي”.
