مصطفى درويش عن انسحابه بعد تصريحات إبراهيم عيسى: الأزهر قال كلمته
قال الفنان مصطفى درويش، إن قراره بالاعتذار عن استكمال مشاهده في فيلم "الملحد" اتخذه رغم أنه يحتاج إلى الماديات وللعمل لأنه في بداية الطريق، حسب وصفه.
وكتب درويش، عبر حسابه بموقع "فيسبوك": "الأزهر قال كلمته ونصر الحق.. ممكن مسمعش صوت معارض لو سمحتم لأن إحنا مرجعيتنا للأزهر، وأنا ولا شيخ ولا حاجة، أنا لسه باديء أنتظم في الصلاة من قريب، وكان بعد مشكلة حصلتلي فقربت من ربنا، واعتذاري عن الفيلم جالي في أصعب ظروف، محدش عارف عنها حاجة، محتاج ماديات فعلا، ومحتاج شغل لإني لسه في أول الطريق".
وأضاف قائلا: "أكيد اعتذاري عن الفيلم كان على عيني، بس ديني أهم، وأنا لا غلط في الأستاذ إبراهيم ولا غلط في حد، أنا بس أخدت قرار أدافع عن الصلاة اللي بصليها، والإسلام اللي هو ديني ودين أمتي، ولو كان الأستاذ غلط في أي ديانة مسيحية أو غيرها كان هيبقى نفس موقفي، أنا مسلم مؤمن بكل الرسل والديانات السماوية ومقبلش حد يشكك في الكتب السماوية وأسكت، نقفل الموضوع ده علشان أخد أكبر من حجمه".
فيلم "الملحد" من إنتاج السبكي فيلم للإنتاج الفني والتوزيع (أحمد السبكي)، تأليف إبراهيم عيسى، إخراج محمد العدل، وبطولة النجوم حسين فهمي، محمود حميدة، شيرين رضا، صابرين، نجلاء بدر، أحمد حاتم، تارا عماد، وأحمد السلكاوي وغيرهم.
