تامر حسني يروج لفيلمه الجديد "بحبك" مع هنا الزاهد

روج الفنان تامر حسني لفيلمه الجديد "بحبك"، وتشاركه في البطولة الفنانة هنا الزاهد،ونشر مجموعة صور من الكواليس وذلك عبر حسابه الشخصي بموقع التواصل الاجتماعي "فيسبوك".

 

وكتب تامر قائلًا: "مساء الهنا على اغلى ناس على قلبي انا.. دي صور من اول يومين تصوير لفيلمنا الجديد بحبك طبعًا في ناس هتقرا اسم الفيلم بحبِك وناس هتقراه بحبَك دا طبعًا مقصود عشان في درامة الفيلم هنبحث طول الوقت عن مدى صدق كلمة بحبِك من الرجل  للأنثى وبحبَك من الأنثى للرجل".

 

وتابع "في احداث فعلًا محيره جدًا  .. الفيلم اكيد فيه ضحك بس في إطار رومانسي بحت مش موجود بقاله كتير   اتشرفت بمشاركة نجمة اليوم والمستقبل الجميله هنا الزاهد  و مبسوط اني اول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم ".

 

وأضاف:" مبسوط جدًا لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله وللأسف لسه مصورش علشان انزل صوره بس في اول يوم تصوير له ههريه صور وانتظروا بعد ايام انضمام نجمه جميله مميزه من نجوم المستقبل اللي هيكون ليها مستقبل كبير ان شاء الله  ، وفرحان جدًا بإنضمام الفنان الموهوب أو ي مدحت إسماعيل اللي عامل دور زي العسل وربنا يكتبله فيه كل النجاح ويكرمه ويكرمنا معاه الفيلم من انتاج حبايب قلبي واصدقاء العمر … سينرچي احمد بدوي تي ايتش برودكشن حسام حسني سكاي ليميت أحمد الدسوقي".

 

يذكر أن أحدث أعمال تامر حسنى السينمائية فيلم "مش أنا" فكرة وسيناريو وحوار وبطولة تامر حسنى، وإخراج سارة وفيق، ويشارك في بطولته كل من: حلا شيحة، وماجد الكدواني، وسوسن بدر، وشيرين، وحجاج عبد العظيم، بجانب عدد من ضيوف الشرف، منهم إياد نصار، محمد عبد الرحمن، وعصام السقا.