بعد تعاونه معه في فيلم "بحبك".. مدحت تيخا عن تامر حسني "أهم نجم في الوطن العربي"
وجه الفنان مدحت تيخا رسالة للفنان تامر حسني بعد مشاركته معه في فيلمه الجديد "بحبك"، وذلك من خلال حسابه الشخصي على موقع التواصل الإجتماعي "فيسبوك".
نشر الفنان مدحت تيخا عدة صور تجمعه بتامر حسني أثناء تصوير الفيلم، وعلق عليها قائلًا: "طبعًا أنا مش عارف أكتب إيه ولا إيه عن النجم العسل الجميل ده، على المستوي الشخصي أخلاق ورقي وأدب وخفة دم مفيش زيها، وطبعًا نجم الجيل وأهم نجم في الوطن العربي كله".
وتابع قائلًا:"و أحلى صوت في الدنيا
بس أنا هكتب عن حاجة جديدة عنه وهي تامر حسني (المخرج ) لاقيت مخرج شاطر جدًا مجتهد متمكن فاهم كويس جدًا بيعمل إيه مهتم بتفاصيل كل شئ وكإنه مخرج من زماااااااان ".
و أضاف:" الحمد لله، وبشكرك يا تامر انك وثقت فيا، فيلم ( بحبك) تأليف وإخراج وبطولة السوبر ميجا ستار تامر حسني والنجمة القمر هنا الزاهد والعسل اللي بيموتني ضحك حمدي الميرغني والعبد لله مدحت إسماعيل، بسم الله ماشاء لا قوة إلا بالله، بإذن الله نجاح محدش شافه قبل كدة...يااااااارب".
