بسمة وهبة تهاجم مؤسس فيسبوك: "شيطان.. وناس باعوا حياتهم ليه"

هاجمت الإعلامية بسمة وهبة، مارك زوكربيرج رئيس شركة فيسبوك، ووصفته بأنه شيطان السوشيال ميديا الجديد، بسبب بث بعض المصريين من مستخدمي موقع التواصل الاجتماعي تفاصيل حياتهم الشخصية بشكل مباشر: "فتح لهم الباب إنه يبيعوا بلدهم وأسرهم وزوجاتهم وحياتهم على السوشيال ميديا وكل ذلك مقابل الأجر".

وأضافت وهبة تقديمها برنامج "90 دقيقة"،  المذاع على قناة “المحور”: "خلاهم على استعداد إنهم يكشفوا عورات بيوتهم، الناس دي باعوا نفسهم وحياتهم لمارك، الناس بتعمل لايفات على السرير في أوضة النوم.. إحنا عبيد؟!". 

وتابعت: "مش عاوزة أتكلم ولا أغلط، وكل ده عشان إيه؟! نفسي البرلمان المصري يشرع قانون يبقى في ضوابط على المهزلة دي، البث المباشر، كل واحد صاحي من النوم عاوز يعمل أي حاجة يعملها، اللي يصور مراته واللي بتصور نفسها.. عيب مش عاوزة أتكلم، الناس دي بيفتحوا بطن الخصوصيات والعورات لمجتمعهم وبيضروه وبيضروا نفسهم".